2021-1-23 21:51
iehmfokLee
張秀賢增單車位極擾民 網民譏:攞錯火水嚟救火
[img]https://dw-media.dotdotnews.com/dams/product/image/202101/23/600b987fe4b05e1e6abae50d.jpg[/img]
攬炒派區議員「將攬炒當政績」,遲早要為其所作所為「落鑊找數」。近日攬炒派區議員張秀賢喺fb話:「成功爭取於元龍街加設單車泊位」可以幫居民減少亂泊單車嘅情況喎 !但當區嘅網民唔止冇讚佢,更鬧佢自把自為,搞到民居附近塞滿大量長期無人認領嘅單車。
眼見群情洶湧,張秀賢就聲稱自己去年有約業委會見面,只係冇晒下文喎,又急急腳整咗份網上問卷嚟補鑊。有網民就睇到好火滾:「可唔可以做一啲真正為居民服務嘅嘢?」愈解釋愈畀人鬧嘅張秀賢仲唔認錯,反而再搞個「地區諮詢投票」。點知投票限時搞到網民「Chole Law」鬧爆:「你呢個公開不記名投票都幾特別,只係得兩日,每日3-4個鐘,叫住戶點樣夠時間投票?」「Yoki Lee」慨嘆:「為何一切在沒有聽取民意前已計劃好草擬好,現在就設限時投票,這是民主嗎?如果限時內未能投票又或居民根本不知道有投票,那又怎處理呢?」「Jocelyn Pang」就忍唔住「讚」張秀賢:「叫你搞魚市場污水搞唔到,仲宜家調轉頭搞返居民,好嘢!」